Friday, October 19, 2012

മാനേജിംഗ് ഡയറക്ടര്‍ക്ക് ഹോട്ടലടുക്കളയിലെന്താ കാര്യം??


ഒരു എം ഡി യേയ്....  അടുക്കളയിലേക്ക് നോക്കി ഹോട്ടല്‍ ബോയ്‌ ഈണത്തില്‍ പറയുമ്പോള്‍ ആദ്യമായി കേള്‍ക്കുന്നവര്‍ക്കൊക്കെ അത്ഭുതമാണ്. എവിടെ, അടുക്കളയില്‍ എവിടെയാ മാനേജിംഗ് ഡയറക്ടര്‍?  
അപ്പൊ അടുത്ത വിളിച്ചു പറച്ചില്‍..... ..  രണ്ടു ബീബി  ........... ങ്ങ്ഹേ... ആരുടെ ബീബിയാ  എന്നാകും അടുത്ത സംശയം...തീര്‍ന്നില്ല  ..സീബി , എം ബി , എല്ലാം കോഡാണ്.. ആദ്യം പറഞ്ഞത് പോലെ ആദ്യമായി കേള്‍ക്കുന്നവന്‍ വാ പൊളിച്ചിരിക്കും...
ഇതാണ് ഇപ്പോള്‍ ചായക്കടയിലെ സ്റ്റൈല്‍..... എം ഡി എന്നാല്‍ മസാല ദോശ , ബി ബി എന്നാല്‍ ബീഫ്‌ ബിരിയാണി .... സീബി എന്നാല്‍ ചിക്കെന്‍ ബിരിയാണി , എം ബി - മട്ടന്‍ ബിരിയാണി .. സാദാ ദോശയാണോ വേണ്ടത് ,എങ്കില്‍ എസ്‌ ഡി എന്ന് പറഞ്ഞാല്‍ മതി !

ഇപ്പോള്‍ എല്ലാത്തിനും വട്ടപ്പേരാണ് .  നഗരങ്ങളിലാണ് ഈ പ്രവണത കൂടുതല്‍. . ചായക്ക് പണ്ടേ ടീ എന്ന്   നീട്ടി പറഞ്ഞാല്‍ മതി.  എന്നാല്‍  മസാലദോശ എന്നൊക്കെ പറയാന്‍ നാവു വഴങ്ങാത്തവര്‍ കേരളത്തിലെ ഹോട്ടലുകളില്‍ ധാരാളമായി എത്തി തുടങ്ങിയതോടെയാണ് ഈ കോഡ് ഭാഷക്ക് പ്രചാരം വന്നത്. . അന്യസംസ്ഥാന തൊഴിലാളികള്‍.ക്ക് ഇതാണ് എളുപ്പം .  അവര്‍ക്കിനി അതൊക്കെ വഴങ്ങിയാലും ഇതാണ് സ്റ്റൈല്‍.. . 

അപ്പൊ ശരി...രണ്ടു എസ്‌ ഡി പോരട്ടെ ... !!



1 comment:

  1. പഴുതാര സ്റ്റഫ് ചെയ്ത എസ് ഡി വേണോ പാറ്റ സ്റ്റഫ് ചെയ്ത എസ് ഡി വേണോ?

    ReplyDelete

ചങ്ങാതിമാരെ, അസഭ്യവും വിഷയത്തില്‍ നിന്നു മാറിപ്പോകുന്നതുമായ കമ്മന്റുകള്‍ ഒഴിവാക്കുക!

Related Posts Plugin for WordPress, Blogger...

Facebook Plugin