Saturday, November 2, 2013

പെണ്ണുങ്ങള്‍ വീട്ടിലിരിക്കട്ടെ

ടി.എച്ച് മുസ്തഫ 
അതാണല്ലോ എളുപ്പം. പെണ്ണുങ്ങള്‍ക്ക്  വീട്ടിലിരിക്കുകയാണ് നല്ലത് .  പറഞ്ഞത് മുതിര്‍ന്ന കോണ്‍ഗ്രസ് നേതാവ് ടി.എച്ച് മുസ്തഫയാണ്. ശ്വേത –പീതാംബര കുറുപ്പ് എം.പി  വിവാദത്തിനോട്  കഴിഞ്ഞ ദിവസം കൊച്ചിയില്‍ എറണാകുളം പ്രസ് ക്ലബില്‍  മാധ്യമ പ്രവര്‍ത്തകരുടെ ചോദ്യങ്ങളോട്  പ്രതികരിക്കുകയായിരുന്നു അദ്ദേഹം.  അവിടെ പിടിച്ചു , ഇവിടെ പിടിച്ചു എന്നൊക്കെ പറയാന്‍ പുറത്തിറങ്ങുന്നത് എന്തിനാണ് എന്നായിരുന്നു അദ്ദേഹത്തിന്റെ പ്രതികരണം .  ചില പെണ്ണുങ്ങള്‍ ആണുങ്ങള്‍ക്കെതിരെ ഇല്ലക്കഥ ചമച്ച് പേരുണ്ടാക്കാന്‍ നടക്കുന്നു. പീതാംബര കുറുപ്പ് അങ്ങനെ ചെയ്തിട്ടുണ്ടെന്ന് കരുതുന്നില്ല. പക്ഷെ, അങ്ങനെ ഒരു തെറ്റ് ചെയ്തിട്ടുണ്ടെങ്കില്‍ അക്ഷന്തവ്യമായ തെറ്റാണ് അതെന്നും അദ്ദേഹം പറഞ്ഞു.

എങ്കില്‍ പെണ്ണുങ്ങളായ ഞങ്ങളൊക്കെ വീട്ടിലിരുന്നാല്‍ മതിയോ എന്ന് ഈയുള്ളവളാണ് ചോദിച്ചത്. നിങ്ങളല്ല, മാന്യതയില്ലാത്ത പെണ്ണുങ്ങള്‍ക്ക് ഇങ്ങനെയൊക്കെ വരും എന്ന് മറുപടിയും കിട്ടി.

അപ്പോള്‍ ശ്വേത മാന്യ സ്ത്രീ അല്ലെ എന്ന് ഞാന്‍ ചോദിയ്ക്കാന്‍ പോയില്ല.  'മാന്യതയില്ലാത്തവര്‍ പുറത്തിറങ്ങിയാല്‍' എന്ന് 
നേരത്തെ പറഞ്ഞ വരിയില്‍ ഉണ്ടല്ലോ എല്ലാം.

ശ്വേതമേനോന്‍  കേള്‍ക്കണ്ട.

ഇന്നോ നാളെയോ ടി.വി യില്‍ ഏതേലും ആക്ഷേപ ഹാസ്യ പരിപാടിയില്‍ വരുമ്പോള്‍ ശ്വേത മേനോന്‍ കാണുമായിരിക്കും . അപ്പോള്‍ അദ്ദേഹത്തോട്  ചോദിക്കുമായിരിക്കും .. അത് വരെ കാത്തിരിക്കാം.

എന്തായാലും തെറ്റ് ചെയ്തവരും തെറ്റ് ചെയ്യാന്‍ ആഗ്രഹമുള്ളവരും തെറ്റ് ചെയ്യാന്‍ പ്രേരണ നല്‍കുന്നവരും ശ്വേതയ്ക്ക് നേരെയുള്ള കല്ലെറിയല്‍ തുടരട്ടെ

ഫേസ് ബുക്ക്‌ ചര്‍ച്ച വായിക്കാം
 



Related Posts Plugin for WordPress, Blogger...

Facebook Plugin