2012, ഫെബ്രുവരി 29, ബുധനാഴ്‌ച

ബ്ലഡി സെക്സി മിസ്ട്രസ്സ്



ബ്ലഡി  സെക്സി മിസ്ട്രസ്സ്
*********************


നിശബ്ദമായി വായിക്കുക. അല്ലെങ്കില്‍ അടുത്തിരിക്കുന്നവര്‍  നിങ്ങളെ തുറിച്ചു നോക്കും.ഒന്നാന്തരം  തെറിയാണ്.  ചിലപ്പോള്‍ രണ്ടു കിട്ടിയെന്നും   വരും. താങ്കളുടെ സുരക്ഷ എന്റെ ഉത്തരവാദിത്തമല്ലെന്ന്  ഓര്‍മിപ്പിക്കട്ടെ!
ഫേസ് ബുക്ക്‌ ചര്‍ച്ചക്കായി ഇവിടെ ക്ലിക്ക് ചെയ്യുക


കഴിഞ്ഞ രണ്ടു ദിവസമായി സെക്സി* എന്ന വാക്കുണ്ടാക്കിയ പൊല്ലാപ്പ് കത്തുകയാണ്. സദാ 'ചാരം' ഉണ്ടാക്കാന്‍ ശ്രമിക്കുന്നവര്‍ ഒരുപാട് ഉള്ളതിനാല്‍ വികരാധിക്യം കെട്ടടങ്ങട്ടെ എന്ന് കരുതിയാണ് ഈ പോസ്റ്റ്‌ രണ്ടു ദിവസം വൈകിപ്പിച്ചത്.   വായനക്കാരന് ആലോചിച്ചു തല പുകഞ്ഞ്   വേണമെങ്കില്‍  ഭ്രാന്തു   പിടിക്കാനുള്ള അവകാശത്തെ ഞാന്‍ ചോദ്യം ചെയ്യുന്നില്ല. എങ്കിലും ഇവിടെ വിഷയം സെക്സി അല്ല.


ഇത്തിരി ഇംഗ്ലീഷ് അറിയാവുന്നവനും അറിയാത്തവനും സാമാന്യമായി ഉപയോഗിക്കുന്ന രണ്ടു വാക്കുകളാണ്  ഇന്നത്തെ ചിന്താവിഷയം. മലയാളത്തില്‍ തെറി പറയാന്‍ മടിക്കുന്നവര്‍ കൂടി   ബ്ലഡി എന്ന് കടുപ്പിച്ചു പറയുന്നതു  കേട്ടിട്ടുണ്ട്.   ''ബ്ലഡി...... ''എന്ന്  വാചകം അവസാനിപ്പിക്കാതെ അവസാനിപ്പിക്കുന്നതാണ് അതിന്റെ ഒരു ശൈലി. സിനിമയിലൊക്കെ നായകന്‍ ഇഷ്ടം പോലെ ഉപയോഗിക്കുന്ന തെറിയും ബ്ലഡി തന്നെ.
 ശപഥം , ചില വാക്കുകള്‍ക്കുള്ള പ്രത്യേക ഊന്നല്‍ , അശ്ലീലം, ദൈവ നിന്ദ എന്നിവ പ്രകടിപ്പിക്കാനും ഈ വാക്കുപയോഗിച്ചു വരുന്നു.എന്നാല്‍  ദൈവത്തിന്റെ രക്തത്തെ പ്രതി ശപഥം ചെയ്യുന്നു എന്ന അര്‍ത്ഥത്തിലാണ് തുടക്കത്തില്‍   ഈ വാക്ക് ഉപയോഗിച്ച് വന്നത് എന്ന് എത്ര പേര്‍ക്കറിയാം?  . പിന്നീട്   ദൈവനിന്ദാപരമായ   പ്രാര്‍ത്ഥനകളില്‍ ഇത് ഉപയോഗിച്ചു. പരിശുദ്ധ കന്യാമറിയത്തെ സൂചിപ്പിക്കാന്‍ ഉപയോഗിക്കുന്ന പദ പ്രയോഗമാണ്   "by Our Lady" എന്നത്. ഇത് ലോപിച് "By'r Lady" എന്നായി മാറി. ഷേക്ക്‌സ്പിയറിന്റെ നാടകങ്ങളില്‍ ഈ വാക്ക് ധാരാളമായി ഉപയോഗിച്ചിട്ടുണ്ട്. എന്നാല്‍ ബ്ലഡി മേരി എന്നതു  വോഡ്കയും തക്കാളി ജ്യൂസും  അടങ്ങിയ കോക്ടെയില്‍ ആണ്. രക്തം വാര്‍ന്നൊലിച്ച എന്ന അര്‍ത്ഥവും ഇതിനുണ്ട്. ഇനിയും കുറെയേറെ സന്ദര്‍ഭങ്ങളില്‍ മറ്റു അര്‍ത്ഥത്തില്‍ ഈ പദം ഉപയോഗിക്കുന്നു. ഒരു വാക്കിനു തന്നെ പല സന്ദര്‍ഭങ്ങളില്‍ പല അര്‍ഥം വരുന്നത്  ഇംഗ്ലിഷിന്റെ പ്രത്യേകതയാണ്.

മിസ്ട്രസ്സ്     എന്ന വാക്ക് നോക്കുക., സ്കൂളില്‍  -ഹെഡ് മിസ്ട്രസ്സ്  , കോളജിലുള്ള  അധ്യാപികമാരെയും വിവാഹം കഴിയുന്നതിനു മുന്‍പ് എല്ലാ സ്ത്രീകളെയും -  മിസ്സ്‌,  വിവാഹിതരായ സ്ത്രീകളെ- മിസ്സിസ് എന്നൊക്കെ നാം അഭിസംബോധന ചെയ്യുന്നതാണ്. അത്യധികം ബഹുമാനത്തോടെയാണ് ഈ വാക്കുകള്‍ ഉപയോഗിക്കുന്നത്.  മിസ്ട്രസ്സ്  ലോപിച്ചാണ് മേല്പറഞ്ഞ എല്ലാ വാക്കുകളും ഉണ്ടായത്. പ്രിയതമ, യജമാനത്തി, സ്വാമിനി, ഗൃഹനാഥ, അധ്യാപിക, വിദഗ്ധ, അധികാരമുള്ളവള്‍, ശ്രീമതി, കുമാരി എന്നൊക്കെ അര്‍ഥം. എന്നാല്‍ ഇതിനു വേറൊരു അര്‍ഥം കൂടിയുണ്ട്. വെപ്പാട്ടി, കുലട  എന്നിവരെ സൂചിപ്പിക്കാനും ഇതേ വാക്ക് തന്നെയാണ് ഉപയോഗിക്കുന്നത്.  അങ്ങനെയെങ്കില്‍ ബഹുമാന്യ സ്ത്രീകളെ  മുഖത്ത് നോക്കി വെപ്പാട്ടിയെന്നും   കുലടയെന്നും വിളിച്ചെന്ന് ആരൊക്കെ പറയും?


താങ്ക്സ്... എന്ന് നൂറിനു നൂറ്റിപ്പത്ത് തവണ താങ്ക്സ് എന്നും താങ്ക്യൂ എന്നും പറയുന്നവരാണ്   നമ്മള്‍. നന്ദി പറയാന്‍ ഇതിലും വികാരം നിറഞ്ഞ മറ്റൊരു വാക്ക് ഇല്ല.എന്നാല്‍, താങ്ക്സ് എന്ന വാക്കുണ്ടായത്    Thousands of Hugs And Number of Kisses എന്നത് ലോപിച്ചാണെന്ന്   കേട്ടിട്ടുണ്ട്. അങ്ങനെയെങ്കില്‍, പെണ്ണ് ആണിനോടും പെണ്ണ് പെണ്ണിനോടും ആണ് പെണ്ണിനോടും ആണ് ആണിനോടും മുഖത്ത് നോക്കി "ഒരായിരം ആലിംഗനങ്ങളും  ചുംബനങ്ങളും   "   എന്ന് പറഞ്ഞെന്നു പറഞ്ഞാലോ??!!!

ഓക്കേ... കാര്യങ്ങള്‍ അങ്ങനെ പലതും ഉണ്ടാകും..  എന്തായാലും സെക്സി എന്ന് വിളിക്കുന്നവര്‍  സൂക്ഷിക്കുക. മുഖമടച്ചു അടി വീഴും. പിന്നെ, അശ്ലീല ചുവയോടെയാണെങ്കില്‍  "മോളെ' എന്നതിനു 'മകള്‍' എന്ന അര്‍ത്ഥമാണോ ഉള്ളത്?  

അവസാനമായി...മണ്ടയുള്ളവന്‍ / മണ്ടക്കകത്തു ആള്‍ താമസമുള്ളവന്‍  അഥവാ ബുദ്ധിയുള്ളവന്‍ മണ്ടന്‍ അഥവാ മണ്ടി. അങ്ങനെയെങ്കില്‍ , താങ്കള്‍ ഒരു മണ്ടനോ മണ്ടിയോ ആണെങ്കില്‍ മാത്രം, ഈ പോസ്റ്റിനു കമ്മന്റിടാം  .



 
*( ''ആരെങ്കിലും സെക്സി എന്ന് വിളിച്ചാല്‍ ചൂളി പോകുകയൊന്നും വേണ്ട, അതിനെ പോസിറ്റീവ് ആയി എടുത്താല്‍ മതി " എന്ന്   ദേശീയ വനിതാ കമ്മിഷന്‍ അധ്യക്ഷ മമത ശര്‍മ പെണ്‍കുട്ടികളോട് ജയ്പൂരിലെ പൊതു ചടങ്ങില്‍ പറഞ്ഞിരുന്നു.സെക്സി എന്നാല്‍ ആകര്‍ഷണീയതയുള്ളവള്‍ , സുന്ദരി എന്നൊക്കെയാണ് അര്‍ത്ഥമെന്നും അവര്‍ വ്യക്തമാക്കിയിരുന്നു. ചില വാക്കുകള്‍ക്ക് ഉപയോഗം കൊണ്ട് അതിന്റെ മൂര്‍ച്ച നഷ്ടപ്പെടുമെന്നും അത്തരമൊരു വാക്കാണ്‌ സെക്സി എന്നതെന്നും കൊല്‍ക്കത്തയിലെ സാമൂഹിക ശാസ്ത്രജ്ഞനായ   പ്രശാന്ത റോയ് വ്യക്തമാക്കിയിരുന്നു.)

യുക്തിയോടെയുള്ള , മാന്യമായ കമ്മന്റുകള്‍ മാത്രം അനുവദനീയം

2012, ഫെബ്രുവരി 22, ബുധനാഴ്‌ച

ബുഞ്ചോര്‍ണോ അമീകോ !!




ബുഞ്ചോര്‍ണോ അമീകോ !!     കൊമസ്തേയ്  ?

എന്താ കണ്ണ് മിഴിച്ചു വായിക്കുന്നത്? ഒന്നും മനസിലായില്ല ലേ?  ഞാന്‍ കഴിഞ്ഞ രാത്രി മുതല്‍ ഇറ്റാലിയന്‍ പഠിക്കാന്‍ തുടങ്ങി. ബുഞ്ചോര്‍ണോ എന്ന് പറഞ്ഞാല്‍ Good Morning  -  അമീകോ എന്നാല്‍ ചങ്ങാതി !!     കൊമസ്തേയ് എന്ന് പറഞ്ഞാല്‍ How are you ?

 എന്താ പെട്ടെന്ന് ഇറ്റാലിയന്‍ പഠിക്കുന്നത് എന്ന് ചോദിക്കല്ലേ ... ഞാന്‍  പ്രതിരോധത്തിന്റെയും അതിജീവനത്തിന്റെയും പാതയിലാണ്. പെട്ടെന്നൊരു ദിവസം ഇറ്റലിയിലേക്ക് കുടിയേറി പാര്‍ക്കേണ്ടി വരുമ്പോള്‍ ഭാഷ ഒരു ബുദ്ധിമുട്ടാകരുത് എന്നാണു ചിന്ത. അതാണ്‌ ഇന്നലെ രാത്രി മുതലേ പഠനം തുടങ്ങിയത്. അല്ലെങ്കിലും, ഞങ്ങള്‍ ക്രിസ്ത്യാനികള്‍ക്ക് ഇറ്റലിയോടു   പ്രത്യേകമൊരു 'മമത' ഉണ്ടെന്നു കൂട്ടുകാര്‍ക്ക് അറിയുമല്ലോ!

ഈശോ മിശിഹാക്കു സ്തുതിയായിരിക്കട്ടെ! പണ്ടേ പോപ്പിന് പട്ടു കുട പിടിക്കുന്നവരാണ് ഞങ്ങള്‍. ഇതിപ്പോള്‍ തൃശൂര്‍ പൂരവും കൂടി റോമിലേക്ക് പറിച്ചു നടെണ്ടി വരുമെന്നാണ് തോന്നുന്നത്. അതിനുള്ള ഒരുക്കങ്ങള്‍ തുടങ്ങിയിട്ടുമുണ്ട് . ആലവട്ടവും വെഞ്ചാമരവും പിടിക്കുന്ന വിധം  കഴിഞ്ഞ രാത്രി ആലഞ്ചേരി പിതാവിന്റെതായി  ഇറ്റലിയിലെ ന്യൂസ്‌ ഏജന്‍സിയായ ഫിദാസ് പുറത്തു വിട്ട വാര്‍ത്ത കേട്ടപ്പോള്‍ കൊടി പിടിച്ച  കത്തോലിക്കരായ എന്റെ സഹമുറിയത്തികള്‍  വരെ അന്തം വിട്ടു. വലിയ   പട്ടം വാങ്ങാന്‍ റോമിലേക്ക് പോയതെ ഉള്ളൂ. അപ്പോഴേക്കും പിതാവ് റോമാക്കാരനായോ എന്റെ സ്വര്‍ഗത്തിലെ പിതാവേ എന്ന് ഞങ്ങള്‍ മൂന്നു സഹമുറിയത്തികളും കോറസ്സായാണ് ആശങ്കപ്പെട്ടത്‌.

ഈ നിലക്ക് പോയാല്‍ ഉടനെ ഇറ്റലിയിലേക്ക് സ്വയമേ കപ്പല്‍ കയറേണ്ടി വരുമെന്നും ഇല്ലങ്കില്‍ കത്തോലിക്കരല്ലാത്ത മറ്റെല്ലാവരും ചേര്‍ന്ന് കേരളത്തില്‍ നിന്നും മഹറോന്‍ ചൊല്ലി  കപ്പല്‍ കേറ്റുമെന്നും ഉറപ്പായി. ഇറ്റലിയിലേക്ക് പോകാനും വലിയ ഇടയനെ കാണാനും ഉള്ള ആഗ്രഹം അതോടെ പൂര്‍ണമാകും.   അവിടെയെത്തിയാലുടന്‍  വിശുദ്ധരും സുന്ദരന്മാരും കരുത്തരുമായ ഇറ്റാലിയന്‍ നാവികരുടെ പേരില്‍ ഇറ്റാലിയന്‍ പത്രങ്ങളില്‍  'ഉദ്ധിഷ്ട കാര്യത്തിനു ഉപകാര സ്മരണ'' പരസ്യം നല്‍കിക്കോളാമേ ...


ഇതത്രയും രാത്രി സ്വപ്നം കണ്ടു കിടന്നിട്ടു രാവിലെ പത്രം വായിച്ചപ്പോഴേക്കും ആശ തകര്‍ന്നു. പിതാവ് അങ്ങനെ പറഞ്ഞില്ലെന്നു സഭ പ്രതിനിധിയുടെ വാര്‍ത്ത കുറിപ്പുണ്ട്. ന്യൂസ്‌ ഏജന്‍സി വളചൊടിച്ചെന്നു  ! അതും ശരിയാകുമായിരിക്കും. എന്ത് അലമ്പത്തരവും കാട്ടുന്നവരാണ്   ഇറ്റലിക്കാര്‍. മറ്റു രാജ്യങ്ങളില്‍ ഇറ്റലിക്ക് അനുകൂലമായി വാര്‍ത്തകള്‍ വരാന്‍ ആ രാജ്യം കുറെ പണം പൊടിക്കുന്നുണ്ട്. അത് തന്നെ പിതാവിന്റെ കാര്യത്തിലും സംഭവിച്ചിരിക്കാം. അങ്ങനെയെങ്ങാനും ആശ തന്നു പറ്റിച്ചാലുണ്ടാല്ലോ , ഫിദാസെ , നിങ്ങള്‍ വിവരമറിയും. പന്നിയിറച്ചിയില്‍  കൂടോത്രം ചെയ്തു തീറ്റിപ്പിക്കും.ഹും ...

''കേരളം കാക്കാന്‍ കടലിനു മുകളില്‍ നടന്നവരെ,
തോക്കിന്‍ മുനയിലൂടെ ദണ്ഡവിമോചനവും മോക്ഷവും തന്നവരേ,
 ഞങ്ങള്‍ക്ക് വേണ്ടി അപേക്ഷിക്കണമേ!''-ആമേന്‍

ഗ്രാസിയെ

(ഓ ..മറന്നു , മറന്നൂ ...ഗ്രാസിയെ  എന്താണ് ന്നല്ലേ?---- "നന്ദി '')

ഫേസ് ബുക്ക്‌ ചര്‍ച്ച കാണാന്‍ ഇവിടെ ക്ലിക്ക് ചെയ്യുക 
വിഷയത്തില്‍ നിന്ന് വിട്ടു പോകുന്ന കമ്മന്റുകള്‍ ഒഴിവാക്കുക !

2012, ഫെബ്രുവരി 21, ചൊവ്വാഴ്ച

മതം പൊട്ടല്‍

കടപ്പാട്-കാര്ട്ടൂണിസ്റ്റ് രാഗേഷ് 

ഏറെ രസകരമായ കാര്‍ട്ടൂണ്‍ ആയിരുന്നു ഇന്ന് രാവിലെ പത്രം എടുത്തു നോക്കിയ ഉടനെ കണ്ടത്. പിറകെ ഓഫീസില്‍ എത്തിയാല്‍ വന്നേക്കാവുന്ന ഫോണ വിളികളെ കുറിച്ചും മനസിലൊരു കണക്കു കൂട്ടല്‍ നടത്തിയിരുന്നു. തെറ്റിയില്ല. കിട്ടിയ കോളില്‍ തെറി വിളിയും ഉണ്ടായിരുന്നു. തിരികെ തെറി പറയാന്‍ അറിയാഞ്ഞിട്ടല്ല, ജോലിയെടുക്കുന്ന സ്ഥാപനത്തിന്റെ ഫോണിലൂടെ ഒരു 'തിരിച്ചു പറച്ചില്‍' ഒഴിവാക്കിയേക്കാം എന്ന് കരുതി. വിളിച്ച ഇക്കാക്ക്‌ അറിയേണ്ടത് ഒരു കാര്യമാണ് '"' ഇത്രയും ബഹുമാന്യനായ കാന്തപുരത്തിനെതിരെ ഇങ്ങനൊരു തോന്നിവാസമാണോ വരച്ചു വക്കേണ്ടത്"" എന്നാണ്. പറയേണ്ടത് ഇവിടല്ലെന്നു പറഞ്ഞു ഞാന്‍ ഫോണ കട്ടാക്കി.

ഇത്രയും പറഞ്ഞല്ലോ ... ഈ വിഷയത്തില്‍ എനിക്ക് തോന്നിയ ചില തോന്നലുകള്‍ കുറിക്കട്ടെ!

1 ) എന്റെ ഈ ജന്മം കൊണ്ട് 40  കോടി രൂപ സമ്പാദിക്കുന്നത് പോയിട്ട്, അത്രേം രൂപ കാണാന്‍ പോലും യോഗമുണ്ടെന്നു  ഞാന്‍ വിശ്വസിക്കുന്നില്ല. പണം സമ്പാദിക്കുന്നത് ഒരു കഴിവ് തന്നെയാണ്. ആ ഒരു കാര്യത്തില്‍ ഫോണ്‍ വിളിച്ച ആ ഇക്കയോട് ഞാന്‍ ചേരുന്നു" ബഹുമാന്യനായ കാന്തപുരം""  കാരണം കഴിവുകളുള്ളവരെ ബഹുമാനിക്കണമല്ലോ!

2 ) ഏതാനും മാസങ്ങള്‍ക്ക്  മുന്‍പാണ് - ജോസഫ്‌ മാഷുടെ കയ്യ് വെട്ടിയത് . കാരണം പ്രവാചക നിന്ദ. ആരാണെന്ന് പറയുന്നില്ല.  എനിക്ക് പേടിയാണ്. അന്ന് കയ്യ് വെട്ടിയതിനെ അപലപിച്ചെങ്കിലും എന്റെ വളരെയടുത്ത ചില മുസ്ലിം മത വിശ്വാസികളായ സുഹൃത്തുക്കള്‍ പറഞ്ഞ ഒന്നുണ്ട്- ആ മാഷ്  പ്രവാചകനെ നിന്ദിച്ചു.കട്ടായമായാണ്   പറഞ്ഞത്.
അന്ന് പിന്നെയും കഥകള്‍ കേട്ടിരുന്നു. പണ്ട് പണ്ട് പാഠപുസ്തകത്തില്‍ പ്രവാചകന്റെ ചിത്രം വരച്ചു ചേര്‍ത്തതിനെതിരെ  പ്രതിഷേധം   ഉണ്ടായതും പുസ്തകം പിന്‍വലിച്ചതും. പണ്ടുണ്ടായതാണ് ട്ടോ. കാരണം പ്രവാചക നിന്ദ! പ്രവാചകന്റെ ചിത്രം വരക്കുന്നത് പ്രവാചക നിന്ദയാണെന്ന് ! അമുസ്ലിംകളാണ്  ചിത്രവും വിഗ്രഹവും വച്ച് പൂജിക്കുന്നതെന്ന്! 

3 ) കാന്തപുരത്തിന്റെ കയ്യിലുള്ള മുടി കത്തില്ലെന്നോ- എങ്കിലോന്നു കത്തിച്ചു കാണിക്കൂ , വെളിച്ചത്തിനു മുന്നില്‍  പിടിച്ചാല്‍ നിഴല്‍ വീഴില്ലെന്നോ - എങ്കിലോന്നു പിടിച്ചു കാണിക്കൂ എന്നൊന്നും ഞാന്‍ പറയില്ല. കാരണം പ്രവാചകന്റെ മുടിയുടെ പേരില്‍ കാശുണ്ടാക്കുന്നതും മുടിയുടെ ആരാധനയ്ക്ക്  പള്ളി പണിയുന്നതോ പ്രവാചക നിന്ദയാണെന്ന് അറിയാവുന്നവരും മിണ്ടില്ല. പക്ഷെ ഞാനിങ്ങനെ രണ്ടു ചോദ്യം ചോദിച്ചാല്‍ ഒരു പക്ഷെ നിന്ദയായാലോ !! പേടിക്കണം!
സിനിമയില്‍ കാണുന്ന സ്റ്റണ്ട് സീനുകളില്‍ തീപിടുത്തത്തിനിടയില്‍ തലയുയര്‍ത്തി നെഞ്ച്  വിരിച് നടന്നു വരുന്ന നായകന് എന്തേ തീ പിടിക്കാത്തത് എന്ന് കുട്ടിക്കാലത്ത് പലതവണ അത്ഭുതപ്പെട്ടിട്ടുണ്ട്. പിന്നീട് അറിഞ്ഞു അതിനു മുന്‍കരുതലായി പ്രത്യേക വസ്ത്രവും പ്രത്യേക ലോഷനും ഉണ്ടെന്നു. അവ ഉപയോഗിച്ചാല്‍ പൊള്ളില്ല, തീ പിടിക്കില്ല.  ആ സൂത്രങ്ങളും വേണേല്‍ ഉപയോഗിക്കാമെന്ന് ഈയുളളവളുടെ കുരുട്ടു ബുദ്ധിയില്‍ തോന്നിയത്  ബഹുമാന്യനായ കാന്തപുരത്തിന് സമര്‍പ്പിക്കുന്നു. കാരണം കഴിവുകളുള്ളവരെ ബഹുമാനിക്കണമല്ലോ!


4 ) അവസാനമായി --ദുഖ ശനിയാഴ്ച പള്ളിയില്‍ പോയപ്പോള്‍ ഒരു ചേടത്തി കരഞ്ഞു പ്രാര്‍ഥിച്ച  വാചകങ്ങള്‍ ഓര്‍ക്കുന്നു. പള്ളിയുടെ ഇടവക മധ്യസ്ഥന്‍ ഫ്രാന്‍സിസ് സേവ്യാര്‍ ആണ്. ഞങ്ങളുടെ നാട്ടുകാര്‍ മുത്തപ്പനെന്നു  സ്നേഹത്തോടെ വിളിക്കും. ദുഖ ശനിയാഴ്ച , കുരിശില്‍ നിന്നിറക്കിയ ക്രിസ്തുവിന്റെ മൃത ദേഹം  മഞ്ചപ്പെട്ടിയില്‍ കിടത്തിയിട്ടുണ്ട്. പള്ളിയുടെ ഒത്ത നടുക്ക്‌ ആ മഞ്ച ഇങ്ങനെ ഇരിക്കുന്നു. ഒരു ചേടത്തി വന്നു കരയുന്നു. വീടിലെ വിഷമം എന്ന് തോന്നി. പിന്നെയാണ് കേട്ടത് '' മുത്തപ്പാ...ഈശോക്ക് വേദന സഹിക്കാന്‍ കരുത്തു കൊടുക്കണേ.. ഈശോയെ കാത്തോളണേ മുത്തപ്പാ    ന്നു'''  . സഭ വിശ്വാസം അനുസരിച്ച് ഈശോയുടെ സ്ഥാനമെന്ത്, ഫ്രാന്‍സിസ് സേവ്യാറിന്റെ സ്ഥാനമെന്ത്!!!

ഈ ചേടത്തിയുടെ അതെ അവസ്ഥയിലേക്ക് വരാവുന്ന കുറെ പേരെ ഇന്നത്തെ ഇക്കയുടെ വിളിയിലൂടെ ഞാന്‍ കാണുന്നു... ''കാന്തപുരമേ ,മുടി കാത്തോളണേ''


((( പ്രധാനപ്പെട്ടത്... അത്യന്തം വികാരസമ്മിശ്രമായ വിഷയം ആയതിനാലും വര്‍ഗീയ പ്രശ്നങ്ങള്‍ സംജാതമാകാമെന്നതിനാലും  എതിര്‍ ജാതി വിഷയങ്ങളില്‍ വിഷം വമിക്കുന്ന രീതിയില്‍ ഏകപക്ഷീയമായി സംസാരിക്കുന്ന ഒരു ചെറിയ കൂട്ടര്‍ ഇവിടെ ഉള്ളതിനാലും കമ്മന്റിടുന്ന കൂട്ടുകാര്‍ ശ്രദ്ധിക്കുക. മാന്യമല്ലാത്തതും അസഭ്യമായതും  വിഷയത്തില്‍ നിന്നും മാറി പോകുന്നതുമായ കമന്റുകള്‍ നീക്കം ചെയ്യുകയോ റിപ്പോര്‍ട്ട്‌ ചെയ്യുകയോ ചെയ്യും. ഒരു പക്ഷെ അത്തരക്കാരുടെ സോഷ്യല്‍ നെറ്റ് വര്‍ക്ക്   അക്കൗണ്ട്‌ തന്നെ നീക്കം ചെയ്യപ്പെടാന്‍ അത് കാരണമായേക്കാം..))))

   
ഫേസ് ബുക്ക്‌ ചര്‍ച്ച കാണുക



2012, ഫെബ്രുവരി 4, ശനിയാഴ്‌ച

WARD to WAR



ത്രിശങ്കു സ്വര്‍ഗമോ  നരകമോ!.
സ്വര്‍ഗം കിട്ടാന്‍ ഭരണം വേണം. ഭരണം കിട്ടാന്‍ വോട്ടു വേണം. വോട്ടു കിട്ടാന്‍ നീര്‍ക്കോലികളായ   നുഴ്സുമാരെയാണോ പരിഗണിക്കേണ്ടത് അതോ അവരെ പെരുമ്പാപുകളായ  ആശുപത്രി മനെജെമെന്റുകളേയോ  എന്ന് മാത്രമേ ഇനി അറിയേണ്ടതുള്ളൂ.. പിറവം തെരഞ്ഞെടുപ്പ് രാഷ്ട്രീയ ലാഭമാക്കാന്‍  നഴ്സുമാരെ പിന്തുണക്കേണ്ടി വരുമോ എന്ന് രാഷ്ട്രീയ അണിയറകളില്‍   ചൂട് പിടിച്ച ചര്‍ച്ച നടക്കുകയാണ്. ന്യായമായ ആവശ്യങ്ങള്‍ നല്‍കാന്‍ സഹായം ചെയ്തില്ലെങ്കില്‍ പിറവത്ത് വേണ്ടി വന്നാല്‍ പ്രചാരണത്തിന് ഇറങ്ങുമെന്ന് വരെ നഴ്സുമാര്‍   മുന്നറിയിപ്പ് നല്‍കി കഴിഞ്ഞു. സഭകളെ തന്നെ ഒരു തരത്തില്‍ മെരുക്കിയെന്ന തോന്നലില്‍ നില്‍ക്കുമ്പോഴാണ് പുതിയ പാര. ചെറിയ വോട്ടിന്റെ ഭൂരിപക്ഷത്തിലാകും   ആരായാലും സീറ്റ് നേടുക എന്നുറപ്പായി കഴിഞ്ഞിട്ടുണ്ട്. അപ്പോള്‍ 400  സ്ടാഫ്ഫ് നുഴുമാരുടെയും അവരുടെ കുറഞ്ഞത്‌ 1200 ബന്ധുക്കളുടെയും വോട്ടിനു വലിയ വിലയുണ്ടെന്ന്   രാഷ്ട്രീയക്കാര്‍ക്ക് അറിയാം. 1600 വോട്ടു വേണോ  അതോ ആശുപത്രി മാനേജ്മെന്റിന്റെ കൂട്ട് വേണോ? ആലോചിക്കാന്‍ ഒരല്‍പം സമയം കൂടി നഴ്സുമാര്‍ നല്‍കിയിട്ടുണ്ട്. അപ്പോള്‍, രാഷ്ട്രീയക്കാരെ....നീര്‍ക്കോലി കടിച്ചാലും അത്താഴം മുടങ്ങും.!!!
ഫേസ് ബുക്ക്‌ ചര്‍ച്ച

ശരണബാല്യം പദ്ധതി ഇഴയുന്നു; ബാലഭിക്ഷാടനം നിയന്ത്രിക്കാനാകാതെ കേരളം

നഗരത്തിലെ ഹോട്ടലിനുമുന്നിൽ സവാള ചാക്കുകൾക്കിടയിൽ കുഞ്ഞിനെ മടിയിലിരുത്തി ഭിക്ഷാടനം നടത്തിവന്ന യുവതി തിരുവനന്തപുരം: ബാലവേല, ബാലഭിക്ഷാടനം, തെര...